Thursday, September 5, 2013

أغنية وحدة شعب مصر

أغنية وحدة شعب مصر

د. معبد الجارحي

إحنا شعب إحنا شعب
إيدنا واحدة إحنا شعب
واللى هز القلب منكم
هزنا وجدان وقلب
ربنا في قلوبنا واحد
لما ندعي نقول يا رب
رب واحد... معنى واحد
رب مصر ورب حب
إحنا بنشوف في الطفولة
زهرة النوار في نيل
وإنتو شايفينها في خضرة
زهرة في بستان جميل
إحنا نفرح من جمالها
 وهي تخطر في الرحاب
وانتو يسعدكم جمالها
لما بترد الجواب
احنا بنحب ابتسامة
لما بنشوف الابتسامة
إحنا حرية وكرامة
احنا طلعة احنا هامة
إحنا شعب إحنا شعب
إيدنا واحدة إحنا شعب
واللى هز القلب منكم
هزنا وجدان وقلب
مصر بالنسبه لنا ماما
واحنا أولادها العزاز
أنتو إخواننا ف حماها
وف سماها الاعتزاز
إحنا نفديها بحياتنا
نفدي مصر ونفدي شعب
إحنا ياما عطينا شهدا
من ولادنا بكل حب
وإنتوا ياما عطيتو شهدا
دمهم ينصب صب
احنا أقرب احنا جيرة
إحنا ثورة احنا خيرة
احنا وانتو لمصر قوة
نحصر الأعداء في حيرة
وإنتو بتحبو جمالها
وتنعموا بخيرها ونيلها
إحنا شعب إحنا شعب
إيدنا واحدة إحنا شعب
واللى هز القلب منكم
هزنا وجدان وقلب
إحنا نعبد رب واحد
رحمة لعباده في سماه
من جماله يتوب علينا
واحنا نشرب كاس رضاه
وإنتو في الجنة معانا
في جناين وف سمر
رحمته واسعة وجمعنا
بعد ما طال السفر
انتو ضحكتنا الكبيرة
انتو فرحة في النعيم
انتو في دنيانا زينة
وهي من غيركم تدوم؟
إحنا بنشوف الحقيقة
هي رب العالمين
والمسيح زارنا ودعالنا
منا قِبط ومسلمين
إحنا شعب إحنا شعب
إيدنا واحدة إحنا شعب
واللى هز القلب منكم
هزنا وجدان وقلب
البشر أحرار كرام
مش سبايا مش عبيد
ربنا استخلفنا وحده
والملايكة في سجود
يا رسولنا يا محمد
انت قلت الدين معاملة
حب جارك زي أهلك
هو واجب مش مجاملة
واللي قال رأيه في سلام
حتى لو كان مش سديد
نحترم رأيه وبرضه
نرد باللين مش شديد
مصر بلد الأنبيا
مصر بلد الأوليا
حاربت الطغيان وسمته
وخلصت عل الاعديا
إحنا شعب إحنا شعب
إيدنا واحدة إحنا شعب
واللى هز القلب منكم
هزنا وجدان وقلب
لا احنا حرمنا الحلال
ولاّ بررنا الضلال
الحلال هو الكثير
والضلال هو القليل
مصر فيها خير كثير
أحنا شعب ملوش مثيل
إحنا شايفين الرسول
رحمة جات للعالمين
إحنا شايفين إن ديننا
للفلاح دنيا ودين
دعوة للنور والحضارة
حشمة شامخة واستنارة
إحنا شايفين ابن سينا
وابن رشد والغزالي
والخوارزمي ف خياله
وابن هيثم في مناله
إحنا شعب إحنا شعب
إيدنا واحدة إحنا شعب
واللى هز القلب منكم
هزنا وجدان وقلب
إحنا عشاق العلوم
والحقيقة والفنون
لا احنا تجار المنابر
والبخور والمجذوبين
ملكنا في عزة نفوسنا
مش في وهم الخاضعين
مش عبيد للغرب أبدا
كنا سادة من سنين
أرضنا صنعت معارك
وقبور للغاصبين
لما رب العزة يأمر
كلنا بنقول آمين
مصر من ثورة يناير
مش هتركع أو تهون
لما قالت يا مبارك
سيبنا احرار يا ضنين
إحنا شعب إحنا شعب
إيدنا واحدة إحنا شعب
واللى هز القلب منكم
هزنا وجدان وقلب
نفذوا لمصر الأوامر
قولوا للحرية زين
مش هيرجع مش هيرجع
الطغاه مش راجعين
واحنا نمنع واحنا نمنع
بعد رب العالمين
مش هنقبل حكم عسكر
مش هنخضع للسلاسل
حتى لو كنا في معسكر
مش حنفضل في المنازل
تسرقوا الثورة؟ هاتوها
تقفلوا التحرير هنفتح
تسلبوا الحرية؟ راجعة
والشباب هيرجعوها
جيشنا يحمي مصر حرة
هو مش جيش احتلال
إحنا شعب إحنا شعب
إيدنا واحدة إحنا شعب
واللى هز القلب منكم
هزنا وجدان وقلب
وان أراد الشعب ثورة
شعبنا يجيب الآمال
عمرنا ما حنبقى تحتك
يافاشية يا حوش
لِمّ خيلك أو جمالك
أو سمومك يا حنش
والمشانق من حبالك
والسجون ويا المحاكم
خد رصاصك خد حريقك
خد فتاويك دول كلام
أحنا عارفين الأصول
والحلال ويا الحرام
واللي خدته من يناير
رجعه قبل التمام
احنا حنحاسبك في ليلة
فيها لاتعرف تنام
إحنا شعب إحنا شعب
إيدنا واحدة إحنا شعب
واللى هز القلب منكم
هزنا وجدان وقلب


Post a Comment